Ka qenë një herë një vajzë e varfër. Pos që ishte e varfër, ishte edhe shumë e shëmtuar. Nuk ankohej për shkak të varfërisë, por kur u rrit dhe u bë për martesë, meqë nuk kishte asnjë ofertë, vendosi të bëjë vetëvrasje. Hipi në shkëmbin më të lartë të Pamukkalasë dhe – bëri një hap përpara. Ra mu në mes të një të çare (thellësie) plot me ujë dhe sedimente. Dhe, mu andejpari kaloi një djalosh, i ri dhe i pashëm, nga Denizli – provincë a afërt. Vrapoi në basen, gjeti vajzën të lënduar rëndë, të pavetëdije, por shumë të bukur. E hodhi mbi kalë, e çoi në kështjellë të babait të tij, e shëroi derisa u këndell tërësisht, pastaj u martua me të dhe jetuan në harmoni deri në fund të jetës. Që nga atëherë Pamukkalaja është vend për të gjithë ata që kërkojnë bukuri dhe këndellje. (Por që nuk është e domosdoshme të hidhesh nga shkëmbi).

Në Pamukkala, arritëm me një grup turistësh nga Kemeri, vend në gjirin Antalia, në bregdetin jugor të Turqisë. Na tërhoqën vëmendjen posterët e vendosur në vitrinat e agjencive turistike: kaçubat e bujshme me lule marshallojash dhe njerëz të shumtë që laheshin në mes të diçkaje që u ngjante liqeneve e vogla në formë pjatash dhe kodrash të mbuluara me borë.

Me të arritur atje, mundëm vetëm të konstatojmë se posterët ishin reprezentim i zbehtë i kësaj mrekullie natyrore. Paramendoni vrushkujt e shumtë të shkumëzuar, të cilët duken sikur befasisht janë ngurtësuar, duke i bashkuar basenet gjysmë të rrumbullakët njërin pas tjetrit të madhësive të ndryshme, të stërmbushur me ujë termalë.

Kjo është Pamukkalaja. Fjala pamuk ka prejardhjen nga turqishtja, ndërsa kala – gjithashtu është fjalë e turqishtes, që do të thotë kështjellë.

Qumësht apo kalcium, varësisht se kujt i besoni – shkencëtarëve apo legjendës

Ekzistojnë legjenda të shumta që bëjnë fjalë për Pamukkalanë. Smernei i lashtë ka shkruar kështu: “Këtu gjendet Selena, Perëndesha e Hënës erdhi në Tokë dhe takoi bariun Endimion, djalosh me bukuri përrallore. Edimioni nga lumturia e humbi plotësisht mendjen dhe harroi të mjelë bagëtinë e tij. Dhe, natyrisht, qumështi vërshoi tërë atë rajon. Dhe, akoma është atje.

Ndërkaq, shkencëtarët e thonë një tregim të zhveshur nga çdo romantikë: uji i ngrohtë, i pasur me hidrogjen kalciumi e me karbonate, del në sipërfaqe. Ndryshimi i shtypjes, që bëhet me atë rast, pastaj ngrohtësia – si e vetë ujit ashtu edhe e diellit – shkaktojnë që nga uji me shpejtësi të lirohet dyoksidi karbonik. Mbetet i patretur karbonati i kalciumit, i cili shtresohet duke krijuar këto forma të bardha: platformat dhe stalaktitet, që lidhen ndërmjet vete.

I tërë rajoni është mjaft i shkapërderdhur, prandaj disa përroska që thahen përnjëherë, paraqiten në ndonjë vend tjetër. Kështu sot kjo mrekulli shtrihet në 3.000 metra në gjatësi dhe 300 në gjerësi, ndërsa në lartësi 100. Uji, thonë, shëron reumën, sëmundje të ndryshme të zemrës, lëkurës, të veshkave, problemet e traktit urinar dhe atij gjinekologjik.

Zbulojmë fshehtësitë e Tempullit të Apolonit dhe të Shpellës së Plutonit

Pamukkala është vetëm emri popullor i këtij lokaliteti turistik. Emri historik i qytetit, rajonit të cilit i përket, është Hierapolis, sipas Hierës, gruas së Telefosit, e cila qytetin e themeloi në shekullin II para erës sonë. Ndërkaq, qyteti është përplot gjurmë civilizimesh të ndryshme: edhe të civilizimeve të vjetra (hetitëve, frigjijve, grekëve) civilizimeve të mëvonshme (bizantine, krishtere, turke). Që nga lashtësia aty kalonte rruga e karvanëve, e cila lidhte Sardisin me Lindjen. Nga koha antike janë ruajtur gjurmët e Tempullit të Apolonit.

Afër tij gjendet Shpella e Plutonit, nga e cila kanë dalë fantazmat e botës nëntokësore – në formë gazi vdekjeprurës. (Perëndia Apolon ka qenë i ngarkuar për të përcjellë shpirtrat në botën e amshueshme). Ka qenë i helmuar rajoni prej 2.000 metrash katrorë. Vetëm klerikët kanë mundur të kalojnë kufirin e rajonit të “kontaminuar” pa u ndodhur gjë. Thjeshtë, ata nuk kanë marrë frymë. Në të vërtetë, kanë rritur kafshë, më së shumti shpezë, të cilat ua kanë shitur turistëve kureshtarë, të cilët kanë bërë eksperimente me to (turistët me kafshët). Qyteti ka qenë i njohur edhe për qitje falli. Me ndihmën e klerikëve, vetë Perëndia Pluton i është përgjigjur pyetjeve të vdekatarëve.

Para Tempullit të Apolonit ka qenë burimi i ujit termal, rreth të cilit më vonë romakët ndërtuan një çezme të madhe, në të vërtetë një ujëvarë, e cila me ujë të ngrohtë ka furnizuar tëra shtëpitë në qytet. Nga të gjitha këto ka mbetur vetëm një mur: ato që nuk kanë mundur t’i shkatërrojnë tërmetet, i kanë shkatërruar të krishterët, dhe anasjelltas.

Në qendër të qytetit gjenden gjurmët e një teatri të madh më të ruajtur romak në Azi të Vogël. Është ndërtuar gjatë sundimit të mbretit Hadrian, por në mbeturinat e teatrit grek, të cilin e ka shkatërruar tërmeti.

Romakët kanë adhuruar banjat

Koha e artë e qytetit ka qenë gjatë sundimit të Septimus Severusit dhe djalit Karakale (nga fundi i shekullit II dhe fillimi i shekullit III). Hierapolisi atëbotë ka qenë njëra ndër qendrat më të rëndësishme intelektuale, religjioze, tregtare dhe artistike të Perandorisë Romake, me rreth 100.000 banorë.

Në saje të banjave dhe ofertave plotësuese turistike në formë festivalesh të ndryshme, kremteve religjioze dhe garave sportive, qyteti është bërë mekë e udhëtarëve nga të gjitha anët e botës. Nga ajo kohë janë ruajtur gjurmët e godinës së teatrit, pastaj të dy godinave të mëdha – banjave të dikurshme: në njërën nga to kanë qenë edhe salla e madhe e gjimnastikës dhe libraria. Tashti aty gjendet muzeu.

Rruga e gjerë kryesore, e gjatë një kilometër e gjysmë, ndante qytetin në dy pjesë. Në fillim të saj dhe në fund ka pasur dyer monumentale, të njohura si “Dyert bizantine”, të cilat janë ndërtuar nga fundi i shekullit IV. Jo larg dyerve veriore gjenden edhe dyert e mbretit Domician, të cilat i ndërtoi prokonsulli Frontinius.

Romakët adhuronin banjat. Gjurmët e një banje të madhe datojnë edhe nga shekulli III, të cilat më vonë u shndërruan në bazilikë. Të krishterët e lashtë, në të vërtetë, kanë pasur zakon që ndërtesat e paganëve ose t’i rrënojnë ose t’ua ndryshojnë pamjen dhe destinimin.

Në njërën nga ato vende të shenjta gjendet edhe varri i Shën Filipit, i cili, është bashkë me Shën Ivanin nga Efesi, themeluesin e krishterimit në Azinë e Vogël. Pos disa kishave, është interesante edhe kisha e vogël nga shekulli V, kushtuar Shën Marisë.

Jashtë mureve të qytetit, në të vërtetë jashtë asaj që ka mbetur, janë tri varre të mëdha. Varri më i madh ndër ta, ka më shumë se një mijë varre, kryesisht nga koha e vonshme e helenizmit, por numër i madh varresh janë nga koha romake dhe nga koha e hershme krishtere.

Qytetarët e rëndomtë janë varrosur në sarkofagë të thjeshtë: disa në tokë, ndërsa disa nën tokë. Ata të pasurit dhe personat më prestigjiozë në sarkofagë të mëdhenj të zbukuruar me relieve dhe me epitafe dhe me emra – janë ku shënuar edhe profesioni dhe meritat e shumta, si edhe bëmat e tyre. Kanë mbaruar varre të mëdha në formë të rrumbullakët me dyer të vogla, nëpër të cilat mund të hyhet brenda në varre, ndërsa ka edhe numër të madh varresh familjare.

Dhëmbi i kohës e ka bërë të vetën, por dëmin më të madh qytetit ia ka bërë tërmeti i madh nga mesi i shekullit XIV. Gjurmimet kanë filluar vetëm nga fundi i shekullit XIX, ndërsa vazhdojnë edhe sot e kësaj dite.

Afër hotelit është burimi i ujit të kuq termal. Përbërja kimike është e shkruar në një pllakë afër basenit: më së shumti ka bikarbonat – 1.340 mg në një litër uji; pastaj dyoksid karbonati 730 mg; kalcium 470 mg, mangez 137 mg etj. Temperatura e ujit është ndërmjet 56 dhe 58 gradë celsius, andaj nuk preferohet të bësh banjë më e gjatë se 10 deri në 20 minuta.

Por, më atraktive se kjo, megjithatë, është spërkatja nëpër cekëtinat e Pamukkalasë. Nuk lejohet kurrfarë këpuce, andaj nën këmbë mund të ndjehet struktura e vrazhdët e sedimenteve. Askund nuk shkruan se sa gjatë këtu mund të qëndrosh, në mënyrë që të arrihet efekti.

Patjetër duhet ta vizitojmë sërish Pamukkalanë.

Udhëtarët e bllokuar në aeroporte ose në pritje të bagazhit të humbur tani mund të përdorin një aplikacion për telefona të mençur për të shikuar të drejtat e tyre menjëherë dhe në vendndodhje. Përveç BE-së, këto të drejta janë të aplikueshme edhe në Kosovë dhe në vendet tjera të Marrëveshjes HPEA. Komisioni Evropian ka lansuar një aplikacion për telefona të mençur që mbulon transportin ajror dhe hekurudhor dhe punon në katër platforma mobile: Google Android, Apple iPhone dhe iPad, RIM Blackberry dhe Microsos Phone Windows 7.

Aplikacioni është në dispozicion në 22 gjuhë të BE-së. Aktualisht mbulon transportin ajror dhe hekurudhor dhe do të shtrihet në autobus dhe transport detar në vitin 2013, kur këto të drejta të hyjnë në fuqi.  Nënpresidenti i Komisionit Evropian Siim Kallas, përgjegjës për Transport ka thënë: “Sa prej nesh kanë qëndruar në aeroport dhe kanë ndjerë zhgënjimin e njerëzve duke u thënë se ju nuk keni të drejta kur ju e dini që keni.

Me këtë aplikacion miliona udhëtarë mund ta kenë më të lehtë qasjen në informacionin e duhur për të drejtat e tyre kur udhëtojnë, kur atyre më së shumti u duhet apo kur lindin situata të papritura.” Kur një udhëtim nuk shkon ashtu siç pritet, shpesh bëhet një përvojë stresuese. Nëse një uturim anulohet, një hotel i paketës së pushimit nuk është siç është reklamuar apo koha e nisjes së trenit është ndryshuar – situata është shumë më e lehtë nëse udhëtari i di të drejtat e tij ose të saj. Për çdo problem potencial, aplikacioni shpjegon të drejtat e udhëtarit. Për shembull, nëse një fluturim anulohet dhe udhëtarit si rezultat i është mohuar hipja në bord, ai ose ajo mund të ketë të drejtë për kompensim ndërmjet 125€ dhe 600€.

Nëse bagazhi juaj është dëmtuar si pasojë e një aksidenti, ju gjithashtu mund të keni të drejtë për kompensim. Është gjithashtu mirë të dini se kompanitë hekurudhore dhe ajrore janë të detyruara të japin informacion transparent për çmimet dhe për të ndihmuar udhëtarët me lëvizshmëri të zvogëluar (rregullorja për këtë të fundit do të hyjë së shpejti në fuqi në Kosovë). Nëse ju mendoni se të drejtat tuaja nuk janë respektuar, aplikacioni gjithashtu ofron informata kë të kontaktoni për të parashtruar ankesën.

Gjatë një emergjence në shkallë të gjerë, të tilla si përvoja pas krizës islandeze të hirit vullkanik në vitin 2010, aplikacioni gjithashtu mund të shfaqë informacion dhe këshilla të udhëtimit nga Komisioni Evropian. Aplikacioni është pjesë e fushatës së Komisionit “Të drejtat e udhëtarit në dorën tuaj”.

http://europa.eu/rapid/pressReleasesAction.do?reference=IP%2F12%2F738&format=HTML&aged=0&language=EN&guiLanguage=en

Aviokompanitë sezonale, që zakonisht fillojnë punën në vendin tonë gjatë sezonit të verës, në masë të madhe po i dëmtojnë qytetarët, por edhe aviokompanitë serioze, që prej vitesh merrem me këtë biznes.

Gjatë vitit të kaluar, sivjet, por edhe viteve tjera, shumë qytetarë që punojnë në botën e jashtme kanë rënë pre e mashtrimeve nga ana e këtyre kompanive.

Por, këto njëkohësisht kanë dëmtuar edhe aviokompanitë me traditë, pasi që janë munduar të hyjnë në garë me çmime të ulëta.

Organizuar nga Universiteti Amerikan në Kosovë (AUK), të hënën në Prishtinë është mbajtur konferenca e dytë rreth aviacionit civil në vendin tonë.

Moderatori i konferencës Albion Idrizi, tha se në fund të konferencës së parë është bërë një konkludim i përbashkët, që komunikimi ndërsektorial duhet të zhvillohet edhe më tej. Po ashtu, sipas tij, për të zhvilluar këtë sektor duhet të ketë një strategji të përbashkët zhvillimore.

Sipas tij, pikë tjetër e konkludimit të konferencës së kaluar ka qenë se në Kosovë nuk ka kushte dhe nevojë për aviokompani vendore.Ai më tej tha se mosintegrimi ndërkombëtar i Kosovës po pengon ndërkombëtarizimin e aviacionit kosovar.

Remzi Ejupi, pronar i kompanive “Kosova Airlines” dhe “Eurokoha” thotë se në Kosovë, nuk ka strategji zhvillimore, në këtë rast sipas tij, nuk ka strategji as sa i përket zhvillimit të aviacionit civil. Ejupi tha se zhvillimi i aviacionit në këtë kohë është vetëm një humbje kohe.

Ai më tej tha se kompanitë kosovare nuk kanë thuajse asnjë përkrahje nga shteti, por përkundrazi, sipas tij, ato dëmtohen, pasi që gjatë sezonit të verës Kosova u krijon mundësi shumë kompanive joserioze të hyjnë në vendin tonë.

Ai tha se licencimi i aviokompanive sezonale në masë të madhe po dëmton qytetarët e Kosovës, që jetojnë dhe punojnë në botën e jashtme.“Shumë qytetarë të Kosovës janë mashtruar nga aviokompani sezonale, të cilët ua kanë marrë paratë dhe i kanë lënë për orë të tëra në aeroport”, tha ai.

Sipas tij, si pasojë e kësaj, shumë bashkatdhetarë kanë humbur edhe vendet e tyre të punës, pasi që për shkak të vonesave, ata nuk kanë arritur me kohë në shtetet ku ata jetojnë dhe punojnë.“Për kompanitë e mia, siguria është gjeja kryesore. Unë nuk mund të flej deri sa avioni të aterojë në aeroport. Në këtë biznes mazha e fitimit është shumë e vogël, dhe në kohën e verës kur ka më së shumti udhëtarë, në treg hyjnë kompani të reja e të cilat bëjnë konkurrencë të pandershme. U marrin paratë qytetareve, nuk paguajnë tatimin dhe ikin nga Kosova” tha ai.

Ejupi tha se edhe më tutje për të mbetet shqetësuese ikja nga Kosova e aviokompanive të mëdha botërore, siç është “British Airways”, ku sipas tij kjo aviokompani ka ikur nga Kosova për 1000 euro.

Sipas tij, edhe ngritja enorme e çmimeve për shfrytëzimin e hapësirave brenda aeroportit është bërë thuajse e papërballueshme.

Pushim pafund! Nje keshille per pushim cilesor

Eshte koha te beni dicka te mire per juve dhe familjen e juaj. Eshte koha te rimbusheni me energji pozitive duke kaluar momente te paharrueshme me miqet dhe te afermit tuaj . Eshte koha te beni pushim te vertete, me mire dhe me lire se kurre me pare.

VAS ka produktin me te mire ne treg per pushime ne Turqi. Cdo oferte qe vije nga hotelet procesohet ne kohe reale ne sistemin tone te rezervimeve ne vas-rks.com qe ju te keni mundesine te gjeni hotelin e juaj te preferuar me cmimin e pershtatshem per ju. Nese ju duhet asistence, ekipi jone dhe i 160 agjencive partner ne  tere  Kosoven eshte ne dispozicionin tuaj ne cdo kohe.

Por ne nuk kursejme ne cilese te produktit. Fluturimi yne charter realizohet nga Turkish Airlines direkt per ne Antalya cdo te marte dhe te premte me per arritje ne kohe per regjistrim ne hotel. Pushimi juaj fillon me nje kaftjall te shishem te sherbyer pa pagese ne aeroplan.

Ne arritje ju pret transferi per ne hotel me autobus te klimatizuar ku sherbehet uje pa pagese dhe ofrohet internet 3G falas qe ju te mbeteni te lidhur ne cdo kohe.

Pra, shfrytezojeni kohen per pushim e jo ne kerkim te hotelit apo ne rruga te gjata. Njihni kultura dhe historia tjera nga ato te rajonit duke udhetuar ne menyre te organizuar pa pasur nevoje te hapni kuleten ne asnje moment.

VENDET PER TE VIZITUAR NE ANTALYA
Beni një shëtitje në Portin e Antalya dhe Qytetin e Vjetër (shtëpitë e restauruara otomane dhe turke)
Provoni çajin turk në Kopshtin e Çajit ne Tophane me pamje të Portit te Antalisë dhe Detit Mesdhe.
Hadrianus Gate (Shekulli II, E.R Roman Gate)
Përmes tramvajit lokal mund te shkoni per te vizituar Muzeun e Arkeologjisë te Antalise (një nga muzetë më te mirë në Evropë)
Vizitoni Ujëvarat Düden në regjionin Lara
Vizitoni tregun turk në Antalya dhe do te kënaqeni me ngjyrat e ndryshme të tekstilit dhe pëlhurave lokale.
Sahat Kulla (Kulle Romane)
Muzeu i lodrave në Portin e Antalya
Qendrat tregtare me te mira në Antalya: Terra City në Lara dhe Migros në Konyaalti
Minicity / Mini-qyteti (muze i hapur qe ekspozon modele të vogla të monumenteve të ndryshme nga e gjithë Turqia)
Vizitoni një nga xhamit historike otomane nga shekulli 16 dhe mësoni rreth Islamit

Nehat Gashi, së bashku me gruan dhe dy fëmijët e tij, e ka lënë Austrinë dhe ka ardhur në Kosovë për t’i kaluar pushimet verore.

”E ndiej si obligim që për çdo vit me ardhur në Kosovë për t’i kaluar pushimet verore së bashku me gruan dhe fëmijët” tregon ai. Për kohën sa qëndron në Kosovë për rreth një muaj, ai thotë se i shpenzon më rreth 4000 euro.

“Gjithmonë kur është koha e verës e vizitojmë Kosovën. Këtu i kemi të afërmit tanë që i vizitojmë, mirëpo edhe qytetet e tjera të Kosovës. Pushimin më së shumti e zgjasim 1 muaj, pasi që duhet të kthehemi për të punuar”shton më tej ai.

Por, nuk është vetëm Gashi me familje që për çdo vit kalon pushimet verore në Kosovë. Të tillë ka edhe shumë bashkatdhetarë të tjerë, por edhe shtetas të shteteve të ndryshme të botës. Vetëm gjatë muajit maj dhe qershor të këtij viti shumë persona nga Shqipëria, Italia, Turqia, Japonia, Britania e Madhe, dhe SHBA-ja, kanë ardhur ta vizitojnë vendin tonë

Eksperti turizmit Zekë Ceku ka thënë së dita ditës po shtohet interesimi i turisteve të huaj për ta vizituar vendin tonë.

“Çdo i huaj që vjen në Kosovë dhe qëndron më shumë së 24 orë dhe më pakë se 365 ditë dhe i shpenzon mjetet që i ka pru nga jashtë konsiderohet si vizitor. Kemi individ dhe grupe familjare që vinë në mënyrë individuale, mirëpo ka edhe në grupe, sezoni i verës është ma i preferuari për vizitorë. Grupet familjarë zakonisht qëndrojnë tek të afërmit e tyre, ndërsa shtetasit e tjerë që vijnë në grupe qëndrojnë nëpër hotele, dhe të gjitha shpenzimet që i bëjnë gjatë qëndrimit të tyre në vendin tonë i shkojnë rritjes së ekonomisë vendore”, tha Ceku.

Sipas tij, grupet e organizuara zakonisht qëndrojnë 8 deri në 10 net, ku sipas tij çmimet janë të volitshme.

Ceku ndër të tjera ka treguar se vizitorët nga shtetet e ndryshme e kanë përshtypjen se Kosova është një vend i pa zhvilluar dhe pa turizëm, mirëpo kur vijnë dhe e vizitojnë pastaj ndryshojnë mendimin.

“Turistet që vijnë nuk janë shumë të informuar për Kosovën. Ata kanë atë përshtypjen që Kosova pasi që nuk ka det, nuk ka asgjë, mirëpo situata nuk qëndron ashtu. Ne turistët e huaj i dërgojmë në Prizren, në Mitrovicë, Pejë në Prishtinë, ka shumë vende të bukura që ja vlen më u vizituar”ka thënë më tej ai.

Mirëpo, për Çekun edhe më tej mbetet shqetësim mos regjistrimi i turisteve të huaj të cilët vijnë në vendin tonë për të kaluar pushimet.

“Nuk kemi regjistrim të saktë të turistëve që vijnë në vendin tonë, sepse po ti kishim këto të regjistruara turizmi do të ishte eksportuesi më i madh në vend, dhe se rritjes ekonomike do ti ndihmonte shumë kjo dukuri”ka thënë më tej ai.

Sipas Çekut, organet kompetente nuk po bëjnë sa duhet për ta zhvilluar turizmin dhe për t’i joshur vizitorët e huaj.

Sipas tij, Kosova është vend i përshtatshëm për vizitorët, mirëpo qeveria nuk po bënë edhe shumë sa i përket turizmit. Ai tha se duhet që të krijohet kushte për biznese që ato t’i joshin turistet e huaj. Sipas tij, vendet më të vizituara nga ta janë: Malet e Sharrit, Brezovicë, Liqeni i Batllavës, Shpella e Gadimes, Gryka e Madhe, etj.

Në anën tjetër Halil Bajrami, udhëheqës i Divizionit të Turizmit, ka thënë së bazuar në vitet e me hershme turizmi në Kosovë po shënon rritje.

“Sipas të dhënave të statistikave turistike të përgadituara nga Agjencia e Statistikave të Kosovës, krahasua tremujorin e parë të vitit 2013 në raport me tremujorin e parë të vitit 2012 ka rritje të numrit të vizitorëve, dhe netëve të qëndrimit” ka thënë ai.

Gjatë vitit 2012, Kosovën e vizituan 48 mijë turistë

Sipas Halil Bajramit, gjatë tre mujori të parë të vitit 2012, Kosovën e kanë vizituar 5.965 vizitorë, ndërsa në tre mujorin e parë të vitit 2013 ka pasur vizituar 12 mijë e 603 vizitorë.

“Netët e qëndrimit për vitin 2012 ka qenë 11.259, ndërsa tre mujori i parë i vitit 2013 ka qenë 19.988, nga kjo dhe shihet që ka pasur rritje të numrit të vizitorëve,” ka thënë ai.

Bajrami ka treguar se vetëm gjatë vitit të kaluar ka pasur 48 mijë e 790 vizitor të huaj në vendin tonë. “Gjatë vitit 2012 Kosovën e kanë vizituar 48.790 turistë të huaj e që kanë fjetur në vendin tonë 90.968 net”ka thënë ai. /zeri

Drejtues të Departamentit të Aviacionit Civil të Kosovës kanë kërkuar sqarime nga zyrtarë të aviokompanisë “Belle Air” me seli në Itali, për operimeve në sezonin veror, si dhe vonesave të disa pasagjerëve të evidencuara gjatë ditëve të fundit. Njëkohësisht për këtë i janë drejtuar edhe Autoritetit civil të shtetit italian. Por ende nuk kanë marrë asnjë përgjigje.

Problemet me të cilat janë përballur ditëve të fundit dhjetëra pasagjerë në Aeroportin Ndërkombëtar të Prishtinës, i kanë nxitur autoritetet në Kosovë të kërkojnë sqarime nga zyrtarë të aviokompanive përgjegjëse.

Udhëheqësi i Departamentit të Aviacionit Civil, në kuadër të Ministrisë së Infrastrukturës, Ismail Berisha, tha për Radio Kosovën se fillimisht kanë kontaktuar me zyrtarë të kompanisë “Belle Air” në Prishtinë, nga e cila kanë kërkuar një raport përmbledhës të operimeve në sezonin veror, si dhe të gjitha listat e pasagjerëve që nuk kanë mundur t’i realizojnë udhëtimet e tyre të planifikuara. Por nga ata nuk kanë marrë përgjigje, ndaj kanë marrë edhe veprime tjera.

“Iu kemi drejtuar bazës së aviokompanisë ‘Belle Air Europe’ në Itali, dhe i kemi dërguar shkresë edhe autoritetit të Aviacionit Civil në Itali, të cilët janë përgjegjës për rregullsitë e veprimeve të aviokompanisë e cila licencohet nga ai shtet”, theksoi ai.

Berisha tha se përveç pasagjerëve që kanë udhëtuar në vendet e Evropës, probleme kanë pasur edhe pasagjerët që kanë udhëtuar drejt Zvicrës. Në këtë rast sipas tij, i janë drejtuar kompanisë “Darvin”, e cila i ka huazuar avionët nga kompania Belle Air, si dhe autoritetit të Aviacionit Civil Zviceran.

“Deri tani nuk kemi asnjë përgjigje, pasi koha është e shkurtër bëhet fjalë për një ditë, dy, dhe jemi në pritje”, theksoi ai.

Berisha thotë se në Kosovë ekziston rregullorja 05/2008, konform legjislacionit evropian, e cila udhëzon konsumatorët që në rast se nuk i realizojnë të drejtat, t’i drejtohen avio-kompanisë për kompensimin dëmit të shkaktuar, e më pas t’i drejtohen autoritetit të aviacionit të shtetit përkatës. “Më pas, po që se nuk i përgjigjet në mënyrë pozitive, atëherë ne ndihmojmë pasagjerët që të realizojnë të drejtat e tyre përmes Komisionit Evropian të Aviacionit Civil”, tha ai, raporton Radio Kosova.

Ndryshe, Berisha thotë se që nga vitit 2008 kur ekziston rregullorja, qytetarët i kanë udhëzuar rreth adresimit të ankesave, ndërkaq sqaron se ende nuk kanë marrë ndonjë ankesë se aviokompanitë apo aviacionet civile të shteteve përkatëse nuk i kanë kompensuar dëmet e udhëtarëve.

Pozita: Royal Holiday Palace shtihet ne plazhin e famshem Lara, diku rreth 15 km nga aeroporti i Antalyas dhe 17 km nga qendra e qytetit.

Plazhi: Royal Holiday Palace shtihet direkt në pla-zhin e gjerë dhe me rërë.

Dhomat: Të gjitha dhomat janë të rregulluara me shumë shije, te gjitha janë me tepih, disponojnë kondicioner, tharëse flokësh, minibar, telefon direkt, TV/Sat, lidhje interneti, kasafortë, shërbim ditor dhome, dhomat e tjera janë të mobiluara ngjaj-shëm në përjashtim të suitave.

Sporti dhe koha e lirë: Pa pagesë: Fusha tenisi, pinpong, volejboll uji, basketboll, futboll i vo-gël, banjë turke, saunë, xhakuzi dhe qendër fitnesi.

Me pagesë: wellness dhe spa, masazhe solarium, biliardo, lojrat kompjuterike, ndriçimi në fushat e futbollit, loja me birila, kurse të tenisit dhe kurset e zhytjes.

Argëtimi: Royal Holiday Palace  ju ofron argëtim pa kufi, kërcim professional, show muzikor, kërcimtar profesional, lojëra garuese, argëtim pas amfiteatrit, muzikë live, hit parade, disco cons etj.

Koha e transferit 20 minuta.

Të tjera: Lobi luksoz me bar, restauranti kryesor, restaurant për fëmijë, restaurant Turquoise snak, rastaurantet Palace Bistro & Patisserie: Bistro, Food Corners, Ice Cream, Coffee & Cake, dhe Turkish tent. Ky hotel i veçantë posedon gjithashtu edhe restaurante A-la Carte si Vapiano (Italian), Hashi (Fareast), Lal (Grill ) Restaurant, Deep Blue (Seafood) Restaurant, El Torito (Mexican) Restaurant. Hoteli posedon Hamam turk, sauna, banjo me avull, xhakuzi, tretmane capsulla, masazhe, tretmane buk-urie, dhomë relaksi, vitamin bar dhe mjek. Hoteli posedon pishinë të jashtme 3700 m², 140 cm të thellë, aqua park 270m2, pishinë për fëmijë 50m2, dhe rrëshqitëse për fëmijë 50m2, pishina e brenshme 300m2. Royal Holiday Palace gjithashtu posedon dyqane të ndryshme, flokëtar, fotoshop, kino, dhomë lojrash, rent a car

Perparësitë tuaja

•     Mëngjes, drekë dhe darkë në formë byfeje, mëngjes për gjumashë
•     Pasdite snack, kafe/çaj dhe ëmbëlsira, akullore, snack mesnate
•     Të gjitha pijet alkoolike dhe ato te importuara (lloje të caktuara) gjatë 24 orëve
•     Restaurantet A-la Carte me rezervim
•     Tenis, minifutboll, pingpong, volejboll, aerobik, sporte të ndryshme, gjimnastikë, internet, banjë turke, saunë, masazhë, xhakuzi, fitnes etj.

Aviokompania “Belle Air Europe”, disa ditë pasi nisën të dalin fjalë për falimentimin e saj, ka zyrtarizuar në faqen e saj të internetit këtë fakt.

Në një njoftim për pasagjerët, kompania thotë se gjendet në një situatë të vështirë ekonomike, prandaj edhe është e detyruar “të pezullojë përkohësisht” fluturimet e saja.

“Të dashur pasagjerë, me keqardhje ju njoftojmë se Kompania ajrore Belle Air Europe, e gjendur përpara një situate të vështirë ekonomike, është e detyruar të pezullojë përkohësisht fluturimet e saj. Ju informojmë gjithashtu se edhe kompania ajrore Darwin Airline ka njoftuar se ndërpret fluturimet nga Prishtina për në Zyrih dhe Gjenevë dhe anasjelltas”, thuhet në njoftimin zyrtar të kësaj kompanie.

Kompania më tej jep edhe sqarimet për procedurat e rimbursimit të biletave dhe mbrojtjes së pasagjereve, ku i fton këta të fundit të kontaktojnë në adresat e mëposhtme:

E-mail : refunds.ag@flyatt.eu (për agjensitë)
E-Mail : refunds.pax@flyatt.eu (për privatët)
Tel : IT: +390289981882, KS +38138714714, +38138714715, DE: +4921195589737, CH : +41445083300

“Kërkojmë ndjesë për shqetësimin, FLYATT”, përfundon njoftimi zyrtar i “Belle Air Europe”.

Të njëjtën gjë, kompania në fjalë e ka bërë edhe në ueb-faqen e operimeve në Shqipëri.

Në vijim, ju sjellim të plotë njoftimin e publikuar në http://www.belleair.eu/

Të nderuar pasagjerë,

Mbas tetë vite operimesh të susksesshme nga Shqipëria drejt destinacioneve Europiane, kompania Belle Air është e detyruar të pezullojë përkohësisht fluturimet për shkak të situatës së përgjithshme ekonomike, rënies së fuqisë blerëse, reçesionit në tregjet kryesore ku operon, si edhe nga bllokimi prej më se 18 ditësh i të gjitha llogarive bankare të saj.

E gjithë kjo situatë na vendos përpara pamundësisë për të vazhduar operimet. Kompania do të rinisë një proçes ristrukturimi gjatë kësaj periudhe për t’u rikthyer së shpejti me shërbime dhe çmime më të lira në tregun shqiptar.

Në këtë proçes ristrukturimi, Kompania Belle Air fton të gjithë investitorët shqiptarë e të huaj të marrin pjesë për ripërtëritjen e kësaj historie suksesi të biznesit shqiptar.

Me ndihmën e kompanisë Italiane Blue Panorama, ofrojmë mundësinë e mbrojtjes nëpërmjet blerjes së biletës me një çmim tarife mbrojtje të gjithë pasagjerëve me bileta Belle Air, duke filluar nga 25.11.2013 nën markën Low Cost Blu Express të kompanisë Blue Panorama Airlines nga Tirana drejt Italisë dhe anasjelltas, ofertë që varet nga sasia e vendeve të mbetura në shitje dhe destinacioni i përzgjedhur.

Për të vazhduar procedurat Ju lutemi telefononi në +355 4 2 390 111. Të gjithë pasagjerët qe kanë prerë bileta nëpermjet kartës së kreditit dhe që kerkojnë rimbursimin e biletave, duhet të kontaktojnë me bankat që kanë leshuar këto karta krediti dhe të paraqesin kerkesën së bashku me referencat e biletës.

Per të vazhduar proçedura të tjera rimbursimesh Ju lutem kontaktoni në +355 4 2 390 390.

Të gjithë klientët Belle Air dhe kushdo që dëshiron të blejë një biletë nga Tirana drejt Bergamos (Orio Al Serio), Bolonjës, Milano Malpensa, Romë Fiumicino, Pizës, Venecias dhe Veronës dhe anasjelltas, mund të telefonojnë në qendrën e kontaktit Blue Express të Blue Panoroma Airlines +39 06 98 95 6666 ose të vizitojnë faqet web: www.blu-express.com, www.blue-panorama.com

Ju kërkojmë ndjesë për shqetësimet e krijuara nga ky pezullim i përkohshëm dhe gjithashtu JU falenderojmë për besimin tuaj në gjithë këto vite.

Kjo është një ditë e trishtuar për JU pasagjerë dhe për të gjithë stafin Belle Air! /Zëri/

***

52 mijë viktimat e “Belle Air”

“Asnjë bllokim nga qeveria, kompania kreu investime të këqija”

Falimenti ende jo zyrtar i kompanisë “Belle Air” do të prekë rreth 50 mijë shqiptarë. Në njoftimin zyrtar të kompanisë bëhet e ditur se mbi 52 mijë prenotime janë kryer për deri në mars të vitit të ardhshëm duke u përllogaritur në miliona euro dëm për xhepat e qytetarëve. Ndonëse qeveria ndërhyri dje për të zgjidhur çështjen e pasagjerëve të mbetur si në Aeroportin e Tiranës ashtu dhe në ato të disa qyteteve të Italisë, nuk dihet ende çdo të ndodhë me dhjetëra mijëra konsumatorët e tjerë që kanë shpenzuar para për një fluturim të pamundur.

Ndërhyrja

Dy ministrat, ai i Transportit dhe ai i Ekonomisë “u vunë dje në lëvizje” për t’i dhënë zgjidhje situatës, pasi qindra pasagjerë mbetën të bllokuar në terminalët e aeroporteve. Pas ofrimit të një kompanie italiane, “Blue Panorama” shumë pasagjerë arritën destinacionet e tyre, por duke paguar 60-70 euro shtesë. Kjo është një tarifë pothuaj e njëjtë me aq sa kjo kompani, e profilit “low cost” ofron për çdo fluturim të sajin. Kështu që praktikisht të dëmtuarit e kanë blerë për herë të dytë biletën e fluturimit ndonëse u është ofruar si një zgjidhje ekonomike.

Ndërkohë, ministri i Zhvillimit Ekonomik, Tregtisë dhe Sipërmarrjes, Arben Ahmetaj, u shpreh se: Qeveria është duke menduar se cila do të ishte alternativa. Sigurisht një prej tyre mund të jetë zgjerimi i veprimtarisë së kompanive të tjera ajrore që janë tashmë në Shqipëri për të mbuluar këtë boshllëk që krijon “Belle Air”, por sigurisht që kompania ka detyrim të drejtpërdrejtë ligjor, ndaj të gjithë atyre që kanë rezervuar për t’u kthyer paratë mbrapsht”. Ndërkohë, kompania përmes një deklarate për shtyp bëri të ditur një ditë më parë se do t’i kompensojë qytetarët përmes dy rrugëve, duke i transportuar nëpërmjet kompanisë “Blue Panorama” dhe përmes rimbursimit me para në dorë.

Keqmenaxhim

Ministri i Transportit dhe Infrastrukturës, Edmond Haxhinasto, në një deklaratë për media, dje bëri me dije se nuk është bërë asnjë bllokim i llogarive të kompanisë “Belle Air” dhe se nuk ka qenë ky shkaku i falimentit. Ai i hodhi poshtë këto pretendime, që e justifikoi pezullimin e fluturimeve me bllokimin e llogarive nga shteti. “Situata është krejt e ndryshme nga sa deklarohet nga kompania ‘Belle Air’. Nuk ka asnjë bllokim të llogarive nga asnjë nga institucionet shtetërore të vendit. Por pavarësisht nga këto vendime të ‘Belle Air’, misioni përgjegjës për aviacionin civil, që është Autoriteti i Aviacionit Civil, Ministria e Transporteve dhe Infrastrukturës janë duke bërë të gjitha përpjekjet ligjore me qëllim që të lehtësojmë sa mundemi këtë kompani të realizojë detyrimin e saj, që pasagjerët të udhëtojnë në destinacionet për ku kanë prerë biletën”, tha Haxhinasto. Ndërkohë, ministri Ahmetaj theksoi se kolapsi i kompanisë erdhi si pasojë e veprimeve të saj. “Qeveria ka qenë shumë fleksibël me situatën e vështirë ekonomike që ka pasur vetë kompania, madje disa herë jemi mbledhur me ministrin e Financave, me ministrin e Transportit, nën porosinë e Kryeministrit, për të ofruar fleksibilitet maksimal ndaj kompanisë, e cila ka një periudhë shumë të gjatë pa likuiditete. Nga informacionet e para, edhe sipërfaqësore, dukej që kishte një keqmenaxhim fondesh, sepse një kompani e cila ka pasur 115 milionë euro qarkullim, mbetet papritur pa para dhe kjo ka qenë edhe pyetje e drejtpërdrejtë që qeveria i ka bërë menaxhimit të kompanisë. Gjëja e parë që të vjen ndërmend, nëpërmjet edhe informacioneve që marrim drejtpërsëdrejti duke iu referuar bilanceve të tyre, rezulton që kompania ka bërë investime të këqija jashtë vendit. Ka vend për një hetim për të parë se ku janë devijuar fondet”, deklaroi Ahmetaj.

A ka falimentuar në të vërtetë “Belle Air”?!

A ka falimentuar në të vërtetë kompania “Belle Air”?! Kjo është pyetja që shtron ish-drejtori i Aviacionit Civil, Halil Hyseni, pasi, sipas tij, në deklaratën për shtyp të kësaj kompanie, kjo gjë nuk lexohet qartë. Sipas z. Hyseni, direktivat e BE-së për të tilla çështje janë të qarta. “Ekziston një sistem i plotë rregullator për t’u ndjekur në raste të tilla. Nëse kompania ka falimentuar, çështja kalon nëpërmjet gjykatave, një rrugë shumë e gjatë për qytetarët, të cilët presin të rimbursohen. Në të kundërt, ekziston ndërhyrja me urdhër të ministrit të Transporteve për të zgjidhur ngërçin dhe sikurse rezulton”, tha z. Hyseni.

A e blenë dy herë të njëjtën biletë?!

Pasagjerët, të cilët kishin prerë një biletë fluturimi te “Belle Air” dje janë detyruar të udhëtojnë me një tjetër kompani, “Blue Panorama Airlines” në këmbim të një pagese ekstra, rreth 70 euro. Kjo kompani u ofrua si zgjidhje nga “Belle Air” menjëherë pasi shpalli pamundësinë për të kryer vetë fluturime. Drejtori i Përgjithshëm i “Blue Panorama”, Giancarlo Zeni, ka deklaruar dje në një intervistë televizive se kanë qenë së paku 160 pasagjerë që kanë mbërritur në Tiranë. Sipas operimeve që bën në treg kjo kompani, me tarifa low cost i bie që shqiptarët ta kenë prerë 2 herë të njëjtin biletë si te “Belle Air” ashtu dhe te “Blue Panorama”. /shqip/

***

Fundi i Belle Air!

Aviokompania problematike, “Belle Air”, në Tiranë e ka shpallur falimentimin, për shkak të bllokimit të llogarive bankare për më shumë se tre javë.

Përmes një njoftimi të bërë kjo aviokompani vë në pah se është detyruar që të pezullojë përkohësisht fluturimet e saj pasi që i detyronte situata e përgjithshme ekonomike, rënia e fuqisë blerëse, recesioni në tregjet kryesore ku operojnë, si edhe bllokimi prej 18 ditësh i të gjitha llogarive bankare të kompanisë.

Kjo situatë e krijuar e zakonshme për këtë kompani vetëm gjatë ditës së diel kishte lënë të bllokuar në aeroportin e Veronës, Itali, mbi 200 udhëtarë.

Por, bllokimin e gjoja llogarive bankare e ka përgënjeshtruar të hënën ministri i Transportit dhe Infrastrukturës, Edmond Haxhinasto.

Në një deklaratë për media ai ka bëri me dije se nuk ka bllokim të llogarive të kompanisë “Belle Air”, dhe se situata e krijuar, sipas tij, ka ardhur nga keqmenaxhimi i saj.

“Do të hapim tregun e aviacionit civil për një shërbim më cilësor”, u shpreh Haxhinasto.

Sipas ministrit, kompania “Belle Air” nuk ka plotësuar detyrimet, edhe pse kishte 50 për qind të tregut. Kjo situatë e krijuar ka shtyrë një grup prej 500-600 personash të protestojnë në ambientet e aeroportit “Nënë Tereza” për shkak se deri të dielën në mbrëmje pas orës 20:00 ata kishin blerë biletat e kompanisë “Belle Air”, por nuk kishin mundur të udhëtojnë.

Operon vetëm me një aeroplan

Por, për dallim nga Tirana, kompania “Belle Air” operimin e saj po e vazhdon pa telashe në Aeroportin Ndërkombëtar të Prishtinës, “Adem Jashari”. Fluturimet e parapara kompania po i realizon, madje edhe po pranon blerje të biletave për datat vijuese. Edhe pse kjo kompani është duke operuar në aeroportin e Prishtinës me vetëm një aeroplan.

“’Belle Air Europe’ është duke operuar me aeroplanin A 319 përderisa gjatë muajit dhjetor kanë planifikuar të operojnë edhe fluturimet me aeroplan A 320”, ka thënë zyrtarja për informim e ANP-së, Valentina Gara.

Ndërkaq, Ministria e Infrastrukturës për t’i ikur përgjigjes në pyetjet e dërguara nga gazeta “Zëri”, gjatë ditës ka lëshuar një komunikatë zyrtare për të gjitha mediat.

“Ju informojmë se Ministria e Infrastrukturës nuk ka informatë zyrtare lidhur me falimentimin e aviokompanisë ‘Belle Air’ nga Shqipëria. Mirëpo, pavarësisht nga kjo, ju informojmë se për dallim nga aviokompania ‘Belle Air EU’ nga Italia, aviokompania ‘Belle Air’ nga Shqipëria nuk operon për Kosovë dhe nga Kosova”, thuhej në komunikatën e MI-së.

Borxhli milionësh ndaj Aeroportit

Kompania “Belle Air” në vazhdimësi ka krijuar probleme edhe në Aeroportin Ndërkombëtar të Prishtinës, e sidomos gjatë muajve të verës ku mijëra udhëtarë është dashur të presin me orë dhe ditë të tëra, pasi që kanë rënë viktimë e kësaj kompanie. Mirëpo, viktimë ka rënë edhe vetë Aeroporti, pasi që borxhi i kompanisë ndaj këtyre të fundit tejkalon shumën prej 500 mijë euro.

Për këtë çështje gazeta i ka dërguar pyetje edhe zyrës për media të Aeroportit, por këta të fundit nuk janë përgjigjur.
Gazeta po ashtu pyetje i ka dërguar edhe njësisë së Partneritetit Publiko-Privat të Qeverise së Kosovës, të cilët kanë përgjegjësi t’i raportojnë për gjendjen financiare. Por përgjigjet e dërguara nuk korrespondonin me pyetjet që gazeta i kishte shtruar.

Sipas tyre, secila kompani kliente duke përfshirë edhe “Belle Air Europe” paguan në baza të keshit.

Por, në muajin gusht në të dhënat që drejtori i Financave në ANP, Alpay Dogutepe, i kishte dhënë Partneriteti Publiko Privat dhe këta të fundit ia kanë dhënë gazetës “Zëri” shihet se aviokompania “Belle Air Europe” i ka borxh aeroportit mbi 500 mijë euro.

“Deri më sot, ne kemi vetëm 1 llogari të arkëtuar, e cila ekziston për më shumë se një muaj. Kompania ‘Belle Air Europe’ shënon borxhe të vonuara në shumën prej 521.560 euro, shumë e cila është deri në 30 ditë vonesë”, thuhet në e-mailin e Dogutepe-s, të cilin ua ka dërguar Partneriteti Publiko Privat.

Në këtë e-mail Dogutepe arsyetohet se i kanë toleruar borxh vetëm aviokompanisë “Belle Air Europe” pasi që kjo e fundit po ka numër të madh të fluturimeve, dhe po i sjell fatura javore “Limak”-ut prej 150.000 euro.

Sipas tij, shuma prej 521 mijë euro ishte vetëm shuma e borxhit të vjetër që ka “Belle Air Europe”, para se të merrte me koncesion aeroportin “Limak and De Lyon”.

Nga koha kur është koncesionuar Aeroporti “Belle Air Europe” ka një shumë të papaguar prej 754.440,74 euro, kurse borxhin aktual e ka 415.232.63 euro, e që në total borxhi i “Belle Air Europe”, borxh ndaj Aeroportit, është 1.169.673.37 euro. Por, në këtë shumë nuk hyn edhe borxhi prej 521 mijë euro që është krijuar para koncesionimit të Aeroportit.

Porositë e paligjshme të “Belle Air”-it

Ndaj “Belle Air” ishin ngritur padi qysh në fillim të këtij viti në Gjermani dhe Zvicër. Kompania kishte dërguar SMS në telefonat celularë te bashkatdhetarët në këto dy vende, pa vullnetin e këtyre të fundit.

SMS-të nga “Belle Air” u ofronin atyre bileta me çmime më të lira se kompanitë tjera. SMS-të madje i kanë mbërritur edhe pronarëve të agjencive turistike që janë konkurrente të “Belle Air”. “Edhe unë marrë SMS nga ‘BelleAir’”, thotë Xhavit Ramshaj, pronar i agjencisë turistike “DT-Travel” nga Hanoveri.

Më 4 janar të këtij viti gjykata më e lartë e Republikës së Badenwytenbergut në Stuttgart kishte marrë vendim për t’i ndaluar kësaj kompanie që të dërgojë SMS të tillë. Këtë veprim të kësaj kompanie gjykata e ka konsideruar si të paligjshëm.

“Me këtë veprim ‘BelleAir’ ka shkelur të drejtat personale të poseduesve të numrave”, thuhet në vendimin e gjykatës së Badenwytembergut.

Për konkurrencë jolojale përmes SMS-ve, “Belle Air” është sanksionuar edhe në Zvicër. Më 6 qershor gjykata ekonomike në kantonin Aargau ia ka ndaluar kompanisë “Belle Air” reklamimin e fluturimeve përmes SMS-ve.

Vendimi gjyqësor është marrë pas një padie të ushtruar më 1 shkurt 2013. Një shoqëri aksionare që merret me shitjen dhe ndërmjetësimin e udhëtimeve individuale dhe grupore kishte kërkuar nga kjo gjykatë që “Belle Air”-it t’i ndalohej reklamimi i çmimeve të fluturimeve me SMS qytetarëve të Zvicrës, pa pranuar paraprakisht këta të fundit. Në vendimin gjyqësor, të cilin e posedon gazeta, thuhet se kjo kompani ankohej për konkurrencë jolojale dhe se për shkak të SMS-ve ishte “detyruar të ulë çmimet që nga 14 dhjetori i 2012-ës”.

“Belle Air” nuk ka pranuar të ketë dërguar porosi për të reklamuar fluturimet e saj. Derisa zhvillohej procedura gjyqësore kundër saj, më 10 prill 2013, “Belle Air” i kishte deklaruar gjykatës se nuk ka dërguar asnjë SMS.

Zyrtarë nga kjo kompani kanë bërë të ditur se marketingun dhe organizimin e shitjes së biletave ia kishte besuar një kompanie tjetër dhe se SMS-at ishin të falsifikuar.

Gjykata ka vendosur që “Belle Air” të mos reklamojë fluturimet përmes porosive në numrat telefonikë që fillojnë me +41 (kodi telefonik i Zvicrës) pa miratimin e poseduesve të numrave.

Operatorët që shërbejnë për “Belle Air”

“Belle Air” është themeluar më 8 qershor 2005 në Tiranë, si linja e parë ajrore me çmime të ulëta, ku fluturimet i ka nisur rreth një viti më pas, duke e lidhur Tiranën me shtatë aeroportet kryesore të Italisë, ku më pas ka zgjeruar fluturimet edhe në 25 destinacione evropiane.

Në ueb-faqen e kompanisë thuhet se qëllimi kryesor i “BelleAir” ka qenë dhe mbetet operimi me çmime të ulëta në Evropë sipas standardeve më të larta të sigurisë. Më tej në faqe shkruan se kjo kompani ofron fluturime nga aeroporti i Tiranës në shumë aeroporte të Italisë, Greqisë, Anglisë, Belgjikës, Zvicrës, Gjermanisë, Francës dhe Kosovës.

Pyetjeve të shumta të gazetës, pronari i “Belle Air”-it i është përgjigjur duke dërguar një letër me profil të kësaj kompanie.

Sipas Ilir Xhelos, grupi “Belle Air” përbëhet nga “Belle Air Europe”, “Always Travel&Tours” dhe një agjenci nga Shqipëria.
Në faqen e “BelleAir Europe” thuhet se kjo kompani është krijuar më 2009 nga një projekt që përfshin edhe “Belle Air”-in.

“Always Travel Tours”, kompania tjetër që është pjesë e grupit “Belle Air”, figuron në Agjencinë për Regjistrimin e Bizneseve si shoqëri me përgjegjësi të kufizuara që për aktivitete ndër të tjera ka veprimtarinë e agjencive të udhëtimit, taksi-shërbime, hotele dhe motele, furnizim me ushqim të përgatitur, transport ajror jo të rregullt, publicitet (reklama dhe propagandë), sigurimin e jetesës, sigurinë publike dhe ruajtjen e rendit publik dhe qetësisë.

Kjo kompani është krijuar më 2012 ndërsa pronar i saj është vetë Ilir Xhelo, sipas ARBK-së. Si person fizik figuron edhe Artan Abazi. Për të kryer shërbimet e shitjes së biletave, “Belle Air” ka angazhuar edhe agjenci të tjera turistike.

Njëra nga to është edhe “Selectfly” e cila sipas të dhënave të ARBK-së është regjistruar që nga shtatori i 2010 si agjenci turistike. Kjo agjenci turistike është e regjistruar si biznes individual dhe thotë se për aktivitet ka veprimtaritë e agjencive të udhëtimit, veprimtaritë e agjencive të tjera të transportit, si dhe veprimtaritë tjera përcjellëse në transportin ajror.

Por në realitet “SelectFly” që ndodhet në Klinë, në një zyrë në katin e gjashtë të një ndërtese në qendër të qytetit është qendër e thirrjeve që bën rezervimin e biletave për “Bell Air”.

Falimentimet e Rudajt

Aviokompania “Pron Air” ka operuar në vitin 2009 në destinacionet Stutgart – Prishtinë, Dyzeldorf – Prishtinë dhe Hannover – Prishtinë, vit ky edhe kur shpalli falimentimin, pasi la në aeroportin e Prishtinës 1600 udhëtarë.

Nga ky rast, i cili ndodhi në vitin 2009, më i dëmtuari kishte mbetur Xhavit Ramshaj, pronar i agjencisë turistike “DT-Travel”, e cila gjendet në Hanover.

Ramshaj shumicën e biletave i kishte shitur për agjencinë “Air Dardania” që atë kohë pronar i saj ishte Florim Rudaj. Ramshaj nga kjo marrëveshje që kishte pasur me Florim Rudajn, kishte ngelur në humbje rreth 250 mijë euro.

Për kompaninë “Pron Air” ka qenë organizator “Münich Airlines” me pronar – Florim Rudaj dhe nënshtetasin gjerman, Thomas Grothe. Pasi kjo kompani shpalli falimentimin edhe pse në cilësinë e të akuzuarit, Florim Rudaj ka vazhduar një skenar me kompanitë tjera dhe tani është futur si drejtor i shitjes te “Belle Air”

Kompania Fly Albania prezantoi mbrëmë destinacionet e reja të fluturimeve.

Kompania ajrore deklaroi se që nga tetori, destinacioni Tiranë-Bolonjë do të jetë katër herë në javë, Tirana-Malpensa tre herë në javë, ndërsa Tiranë-Pisa dhe Tiranë-Cuneo do të jenë dy herë në javë.

Të gjitha këto destinacione, përveç shërbimit cilësor do të jenë edhe mjaft ekonomike për shqiptarët.

Destinacionet e kësaj kompanie janë qytetet e njohura evropiane si ato italiane: Milano dhe Verona; ato gjermane: Mynih dhe Frankfurt, por edhe në Zyrih të Zvicrës.

Ndërkohë kompania ka theksuar se do të rritet ende më tej si frekuenca e fluturimeve, por edhe destinacionet e tyre.

Kompania ka bërë edhe një surprizë për klientët e saj, ku përfaqësuesit e saj deklaruan se 37.000 personat që kanë fluturuar deri tani me Fly Albania, do të kenë mundësinë të fluturojnë duke paguar bileta avioni per vetëm 10 euro.

Kompania Fly Albania është themeluar së fundmi në Tiranë si pjesë e grupeve besueshme të fushës së transportit ajror; Eurokoha Reisen me partnerët e saj në Shqipëri.

Rrugëtimin e saj FlyAlbania e nis me kompaninë e mirënjohur italiane Livingstone Air.

Kompania ajrore italiane, operon me fluturime brenda dhe jashtë Italisë, kryesisht nga baza e saj në Aeroportin e Milanos, si dhe nga Verona, Roma dhe Alghero. Ofron një shërbim të klasit të lartë, besueshmëri dhe mirësjellje. Ka një flotë mjaft të re dhe partneritet të fuqishëm me operatorët turistikë dhe agjencive të udhëtimit.

Misioni i Fly Albania është zhvillimi i turizmit në Shqipëri, organizimi dhe akomodimi i pushuesve nga Evropa për në bregdetin shqiptar, si edhe fluturimi me kohë, sigurt dhe komod nga Evropa për në vendlindje.

Kompanitë e tjera bashkëpunëtore të Fly Albania

Germanwings

Germanwings GmbH, kompani ajrore me bazë në Këln / Bon të Gjermanisë, pronë e Lufthansa. Germanwings fluturon në mbi 75 destinacione të ndryshme nga Këlni / Boni, Shtutgarti, Berlini, Hanoveri dhe Dortmundi.

Air Berlin

Air Berlin Plc (Air Berlin) është kompania e dytë më e madhe ajrore gjermane dhe e gjashta në Evropë për nga numri i pasagjerëve. Air Berlin realizon fluturime në mbi 84 destinacione në Evropë, 11 në Amerikën Veriore dhe 18 destinacione në Afrikë dhe Azi.

Edelweiss Air

Edelweiss Air është kompani që ofron kualitet të lartë dhe dërgon pasagjerët në destinacionet më të njohura rreth e përqark botës.

Pegasus

Pegasus, është një nga kompanitë ajrore më të besueshme dhe të qëndrueshme në Turqi për 20 vjet, si dhe partner i shumë operatorëve të mëdhenj turistik.

Germania

Germania E themeluar në vitin 1979, kompania ajrore Germania ka krijuar një emër të shquar në mesin e kompanive gjermane kryesisht falë standardeve të larta të mirëmbajtjes dhe sigurisë, shërbimit në bord, si dhe një shkalle shumë të lartë të përpikmërisë.

Ka qenë një herë një vajzë e varfër. Pos që ishte e varfër, ishte edhe shumë e shëmtuar. Nuk ankohej për shkak të varfërisë, por kur u rrit dhe u bë për martesë, meqë nuk kishte asnjë ofertë, vendosi të bëjë vetëvrasje. Hipi në shkëmbin më të lartë të Pamukkalasë dhe – bëri një hap përpara. Ra mu në mes të një të çare (thellësie) plot me ujë dhe sedimente. Dhe, mu andejpari kaloi një djalosh, i ri dhe i pashëm, nga Denizli – provincë a afërt. Vrapoi në basen, gjeti vajzën të lënduar rëndë, të pavetëdije, por shumë të bukur. E hodhi mbi kalë, e çoi në kështjellë të babait të tij, e shëroi derisa u këndell tërësisht, pastaj u martua me të dhe jetuan në harmoni deri në fund të jetës. Që nga atëherë Pamukkalaja është vend për të gjithë ata që kërkojnë bukuri dhe këndellje. (Por që nuk është e domosdoshme të hidhesh nga shkëmbi).

Në Pamukkala, arritëm me një grup turistësh nga Kemeri, vend në gjirin Antalia, në bregdetin jugor të Turqisë. Na tërhoqën vëmendjen posterët e vendosur në vitrinat e agjencive turistike: kaçubat e bujshme me lule marshallojash dhe njerëz të shumtë që laheshin në mes të diçkaje që u ngjante liqeneve e vogla në formë pjatash dhe kodrash të mbuluara me borë.

Me të arritur atje, mundëm vetëm të konstatojmë se posterët ishin reprezentim i zbehtë i kësaj mrekullie natyrore. Paramendoni vrushkujt e shumtë të shkumëzuar, të cilët duken sikur befasisht janë ngurtësuar, duke i bashkuar basenet gjysmë të rrumbullakët njërin pas tjetrit të madhësive të ndryshme, të stërmbushur me ujë termalë.

Kjo është Pamukkalaja. Fjala pamuk ka prejardhjen nga turqishtja, ndërsa kala – gjithashtu është fjalë e turqishtes, që do të thotë kështjellë.

Qumësht apo kalcium, varësisht se kujt i besoni – shkencëtarëve apo legjendës

Ekzistojnë legjenda të shumta që bëjnë fjalë për Pamukkalanë. Smernei i lashtë ka shkruar kështu: “Këtu gjendet Selena, Perëndesha e Hënës erdhi në Tokë dhe takoi bariun Endimion, djalosh me bukuri përrallore. Edimioni nga lumturia e humbi plotësisht mendjen dhe harroi të mjelë bagëtinë e tij. Dhe, natyrisht, qumështi vërshoi tërë atë rajon. Dhe, akoma është atje.

Ndërkaq, shkencëtarët e thonë një tregim të zhveshur nga çdo romantikë: uji i ngrohtë, i pasur me hidrogjen kalciumi e me karbonate, del në sipërfaqe. Ndryshimi i shtypjes, që bëhet me atë rast, pastaj ngrohtësia – si e vetë ujit ashtu edhe e diellit – shkaktojnë që nga uji me shpejtësi të lirohet dyoksidi karbonik. Mbetet i patretur karbonati i kalciumit, i cili shtresohet duke krijuar këto forma të bardha: platformat dhe stalaktitet, që lidhen ndërmjet vete.

I tërë rajoni është mjaft i shkapërderdhur, prandaj disa përroska që thahen përnjëherë, paraqiten në ndonjë vend tjetër. Kështu sot kjo mrekulli shtrihet në 3.000 metra në gjatësi dhe 300 në gjerësi, ndërsa në lartësi 100. Uji, thonë, shëron reumën, sëmundje të ndryshme të zemrës, lëkurës, të veshkave, problemet e traktit urinar dhe atij gjinekologjik.

Zbulojmë fshehtësitë e Tempullit të Apolonit dhe të Shpellës së Plutonit

Pamukkala është vetëm emri popullor i këtij lokaliteti turistik. Emri historik i qytetit, rajonit të cilit i përket, është Hierapolis, sipas Hierës, gruas së Telefosit, e cila qytetin e themeloi në shekullin II para erës sonë. Ndërkaq, qyteti është përplot gjurmë civilizimesh të ndryshme: edhe të civilizimeve të vjetra (hetitëve, frigjijve, grekëve) civilizimeve të mëvonshme (bizantine, krishtere, turke). Që nga lashtësia aty kalonte rruga e karvanëve, e cila lidhte Sardisin me Lindjen. Nga koha antike janë ruajtur gjurmët e Tempullit të Apolonit.

Afër tij gjendet Shpella e Plutonit, nga e cila kanë dalë fantazmat e botës nëntokësore – në formë gazi vdekjeprurës. (Perëndia Apolon ka qenë i ngarkuar për të përcjellë shpirtrat në botën e amshueshme). Ka qenë i helmuar rajoni prej 2.000 metrash katrorë. Vetëm klerikët kanë mundur të kalojnë kufirin e rajonit të “kontaminuar” pa u ndodhur gjë. Thjeshtë, ata nuk kanë marrë frymë. Në të vërtetë, kanë rritur kafshë, më së shumti shpezë, të cilat ua kanë shitur turistëve kureshtarë, të cilët kanë bërë eksperimente me to (turistët me kafshët). Qyteti ka qenë i njohur edhe për qitje falli. Me ndihmën e klerikëve, vetë Perëndia Pluton i është përgjigjur pyetjeve të vdekatarëve.

Para Tempullit të Apolonit ka qenë burimi i ujit termal, rreth të cilit më vonë romakët ndërtuan një çezme të madhe, në të vërtetë një ujëvarë, e cila me ujë të ngrohtë ka furnizuar tëra shtëpitë në qytet. Nga të gjitha këto ka mbetur vetëm një mur: ato që nuk kanë mundur t’i shkatërrojnë tërmetet, i kanë shkatërruar të krishterët, dhe anasjelltas.

Në qendër të qytetit gjenden gjurmët e një teatri të madh më të ruajtur romak në Azi të Vogël. Është ndërtuar gjatë sundimit të mbretit Hadrian, por në mbeturinat e teatrit grek, të cilin e ka shkatërruar tërmeti.

Romakët kanë adhuruar banjat

Koha e artë e qytetit ka qenë gjatë sundimit të Septimus Severusit dhe djalit Karakale (nga fundi i shekullit II dhe fillimi i shekullit III). Hierapolisi atëbotë ka qenë njëra ndër qendrat më të rëndësishme intelektuale, religjioze, tregtare dhe artistike të Perandorisë Romake, me rreth 100.000 banorë.

Në saje të banjave dhe ofertave plotësuese turistike në formë festivalesh të ndryshme, kremteve religjioze dhe garave sportive, qyteti është bërë mekë e udhëtarëve nga të gjitha anët e botës. Nga ajo kohë janë ruajtur gjurmët e godinës së teatrit, pastaj të dy godinave të mëdha – banjave të dikurshme: në njërën nga to kanë qenë edhe salla e madhe e gjimnastikës dhe libraria. Tashti aty gjendet muzeu.

Rruga e gjerë kryesore, e gjatë një kilometër e gjysmë, ndante qytetin në dy pjesë. Në fillim të saj dhe në fund ka pasur dyer monumentale, të njohura si “Dyert bizantine”, të cilat janë ndërtuar nga fundi i shekullit IV. Jo larg dyerve veriore gjenden edhe dyert e mbretit Domician, të cilat i ndërtoi prokonsulli Frontinius.

Romakët adhuronin banjat. Gjurmët e një banje të madhe datojnë edhe nga shekulli III, të cilat më vonë u shndërruan në bazilikë. Të krishterët e lashtë, në të vërtetë, kanë pasur zakon që ndërtesat e paganëve ose t’i rrënojnë ose t’ua ndryshojnë pamjen dhe destinimin.

Në njërën nga ato vende të shenjta gjendet edhe varri i Shën Filipit, i cili, është bashkë me Shën Ivanin nga Efesi, themeluesin e krishterimit në Azinë e Vogël. Pos disa kishave, është interesante edhe kisha e vogël nga shekulli V, kushtuar Shën Marisë.

Jashtë mureve të qytetit, në të vërtetë jashtë asaj që ka mbetur, janë tri varre të mëdha. Varri më i madh ndër ta, ka më shumë se një mijë varre, kryesisht nga koha e vonshme e helenizmit, por numër i madh varresh janë nga koha romake dhe nga koha e hershme krishtere.

Qytetarët e rëndomtë janë varrosur në sarkofagë të thjeshtë: disa në tokë, ndërsa disa nën tokë. Ata të pasurit dhe personat më prestigjiozë në sarkofagë të mëdhenj të zbukuruar me relieve dhe me epitafe dhe me emra – janë ku shënuar edhe profesioni dhe meritat e shumta, si edhe bëmat e tyre. Kanë mbaruar varre të mëdha në formë të rrumbullakët me dyer të vogla, nëpër të cilat mund të hyhet brenda në varre, ndërsa ka edhe numër të madh varresh familjare.

Dhëmbi i kohës e ka bërë të vetën, por dëmin më të madh qytetit ia ka bërë tërmeti i madh nga mesi i shekullit XIV. Gjurmimet kanë filluar vetëm nga fundi i shekullit XIX, ndërsa vazhdojnë edhe sot e kësaj dite.

Afër hotelit është burimi i ujit të kuq termal. Përbërja kimike është e shkruar në një pllakë afër basenit: më së shumti ka bikarbonat – 1.340 mg në një litër uji; pastaj dyoksid karbonati 730 mg; kalcium 470 mg, mangez 137 mg etj. Temperatura e ujit është ndërmjet 56 dhe 58 gradë celsius, andaj nuk preferohet të bësh banjë më e gjatë se 10 deri në 20 minuta.

Por, më atraktive se kjo, megjithatë, është spërkatja nëpër cekëtinat e Pamukkalasë. Nuk lejohet kurrfarë këpuce, andaj nën këmbë mund të ndjehet struktura e vrazhdët e sedimenteve. Askund nuk shkruan se sa gjatë këtu mund të qëndrosh, në mënyrë që të arrihet efekti.

Patjetër duhet ta vizitojmë sërish Pamukkalanë.

Kur përzgjidhni hotelin për pushime, ka një mori pyetjesh që ju vijnë në mend t’i bëni para se të vendosni se ku të shkoni.

Cilin hotel të zgjedhni, në çfarë lokacioni, a është afër aeroportit, sa kushton, si është stafi, a është ushqimi i mirë, etj.

Gëzoje fëmijën tënd me dhuratë speciale! Zbritje deri në -40%

Këto janë vetëm disa prej pyetjeve që e mundojnë mendjen e secilit para se të zgjedhin se ku të kalojnë pushimet verore.

Edhe këtë sezon, përfaqësues të Air Kosova kanë qenë në vizitë në një numër të konsiderueshëm të hoteleve duke bërë të njëjtat pyetje dhe në këtë mënyrë janë përzgjedhur disa hotele që janë favorizuar nga ana e Air Kosova si njohës të kësaj fushe.

Gjatë vizitës në regjionin e famshëm për turizëm Antalya, nga 35 hotele që janë vizituar, Air Kosova sjellë rekomandimet e shtatë hoteleve më të përshtatshme për t’i vizituar.

Këto hotele janë vlerësuar sipas lokacionit, çmimit, konceptit të shërbimit që ofrojnë, stafit dhe kualitetit të ushqimit.

Prandaj këto janë 7 hotelet të cilat janë cilësuar si më të mirat për t’u vizituar me familje dhe fëmijë në bazë të eksperiencës së kaluar nga përfaqësuesit në fjalë:

1: EFTALIA ISLAND – Ultra All Inclusive

Resorti Eftalia Island përbëhet prej tri hoteleve (Eftalia Ocean, Eftalia Marin dhe Eftalia Aqua) ku që të tri hotelet kanë qasje direkte në super aqua parkun me gjatësi prej 1km, me shumë pishina, rrëshqitëse, klub nate, plazh dhe bare e restaurante me një përparësi shtesë ku në hotel akomodohen falas fëmijët deri në moshën 14 vjet duke krijuar një parajsë të vërtetë për fëmijë. Resorti funksionin me shërbimin Ultra All Inclusive, gjendet në Alanya dhe koha e transferit nga aeroporti në hotel është 1 ore e 30 minuta.

2: BOSPHORUS SORGUN – All Inclusive

Hoteli Bosphorus Sorgun gjendet në Side, është hotel i ri, i hapur vitin 2017 dhe ofron shërbim në konceptin “All Inclusive”. Hoteli ka një interier shumë të veçantë, ndërsa koha e transferit prej aeroportit për në hotel është rreth 1 orë e 10 minuta.

3: ORANGE COUNTY ALANYA – Ultra All Inclusive

Orange County Alanya gjendet në Alanya. Koncepti i hotelit është ndryshuar duke u përqendruar në hotel familjar por me shumë aktivitete gjatë gjithë ditës. Hoteli posedon dhoma të mëdha, gjendet buzë detit dhe ofron argëtim pa fund me koncept “Ultra All Inclusive”. Koha e transferit nga aeroporti në hotelin Orange County Alanya është rreth 1 orë e 30 minuta.

4: SUNMELIA BEACH – All Inclusive

Sunmelia beach gjendet në Side dhe është një hotel me 5 pishina, akuapark , buzë detit dhe me shërbim “All Inclusive”. Një pushim në Sunmelia do të ishte i përkryer për këdo që e përzgjedhë, ndërsa koha e transferit prej aeroportit në hotel është rreth 1 orë.

5: HORUS PARADISE – Ultra All Inclusive

Horus Paradise hotel ka një ambient të veçantë dhe qasje direkte në plazh. Këtë sezon e filluan me një akuapark të ri i cili është i ndarë për fëmijë dhe të rritur dhe një zip-line që kalon nëpër tërë resortin. Hoteli ofron shërbimin “Ultra All Inclusive” dhe gjendet në Side. Koha e transferit prej aeroportit në hotel është rreth 1 orë.

6: AZUR RESORT – All Inclusive

Hoteli Azur Resort është një hotel i ri, i hapur në vitin 2018 ky hotel gjendet pranë detit dhe ofron shërbim “All Inclusive”. Dy arsye pse hoteli gjendet në listën tonë të hoteleve të përzgjedhur janë: pishina me rrëshqitëse në katin e 10-të të hotelit, duke ofruar një ndjenjë të veçantë adrenaline dhe dhomat e mëdha, sidomos ato familjare ku mund të akomodohen familjet me më shumë fëmijë. Hoteli gjendet në Alanya dhe koha e transferit prej aeroportit për në hotel është rreth 1 orë e 40 minuta.

7: CALIDO MARIS – All Inclusive

Calido Maris ka një akuapark të madh për fëmijë dhe është hotel i ri i cili është hapur në vitin 2017, ndërsa koncepti i punës është “All Inclusive”. Gjendet në Side dhe është rreth 1 orë e 10 minuta larg nga aeroporti.

Lidhur me ofertat dhe çdo informacion shtesë kontaktoni në:
Tel: 038 754 754 ose 049 754 754
E-mail: info@maxtravel.al

Sherwood Breezes  Në këtë objekt të mrekullueshëm, si të rriturit ashtu edhe fëmijët do të ndjehen njësoj të lumtur. Pajisjet dhe ofertat e shumta për fëmijë u mundësojnë edhe prindërve të kenë pushime të rehatshme.

Pozita: Sherwood Breezes  Drejtpërdrejt në plazh, 12 km larg qendrës së Antalias dhe 10 km larg aeroportit. Ekzistojnë lidhjet e mira me minibus dhe taksi.

Koha e transferit: rreth 15 minuta.

Akomodimi: Ky objekt tejet i përsht-atshëm për familje, përbëhet nga gjithsej 349 dhoma, të shpërndara në objektin kryesor nëntëkatësh. Lobi i gjerë me recepcion, ashensorë panoramikë, restorant kryesor me tarracë dhe resto rante A-la carte (kuzhina turke dhe ajo italiane, me rezervim të obliguar), bare të ndryshme, sallë për konferenca, diskotekë.

Pishinë e mbyllur me ndarje për fëmijë, qendër bukurie dhe zonë për relaksim. Në oborrin e gjelbëruar të hotelit gjendet një kompleks pishinash me ndarje për fëmijë, aquaparku me 6 rrëshqitëse uji për të rritur, 3 rrëshqitëse uji për fëmijë, amfiteatri.  Dyqane të shumta, qendra e argëtimit me internet, bilardo, video lojëra dhe lojë me birila (bowling) me dy pista, floktari.

Plazhi: Plazh Sherwood Breezes  i gjatë me rërë. Peshqirët, ombrellat e diellit dhe shtretërit i keni në dispozicion pa pagesë, si në pishinë ashtu edhe në plazh.

Dhomat: Dhomat standarde: janë të rehatshme dhe të dekoruara me plot stil dhe janë të pajisura me banjë dush/WC, me tharëse të flokëve, klimatizim qendror (me orar të caktuar, varësisht prej motit), telefon me lidhje direkte, TV/Sat, kasafortë, minibar (mbushet çdo ditë me ujë, birrë dhe pije freskuese), dysheme me tepih, ballkon apo tarracë në shumicën e rasteve me pamje nga deti.

Dhoma familjare junior: Nuk kanë derë lidhëse dhe janë pak më të mëdha se dhomat standarde; të ndara me një mur ndarës, përndryshe të pajisura njëjtë, me një shtrat dysh dhe dy shtretër të ndarë.

Dhomat familjare Connection: Përbëhen nga dy dhoma të ndara të gjumit, me një shtrat dysh dhe dy shtretër të ndarë, secila e pajisur me banjë (njëra me dush, tjetra me vaskë), WC dhe tharëse të flokëve, TV/Sat, klimatizim (me orar të caktuar, varësisht nga moti) dhe telefon me lidhje direkte. Minibari, kasaforta dhe ballkoni janë në dispozicion në vetëm njërën prej dhomave.

Shërbimi: Sherwood Breezes Ultra All Inclusive

Sporti dhe koha e lirë: Pa pagesë: Dy fusha të tenisit, qen-dër për fitnes, volejboll, pingpong.

Me pagesë: Ndriçimi i fushave të tenisit, qendra e bukurisë, masazhi, interneti, loja me birila, bilardo, lojërat kompjuterike dhe të gjitha sportet e motorizuara të ujit në plazh.

Fëmijët: Animacione për fëmijë, mini-klubi (5-12 vjeç) dhe klubi junior (13-17 vjeç) gjatë periudhave të caktuara të ditës, minidisko, fusha për lojëra, pishina për fëmijë, 3 rrëshqitëse uji, sipas kërkesës mund të rezervohet edhe dado për më të vegjëlit (me pa-gesë), shtrati për fëmijë, ulëset për fëmijë në restorant (varësisht sa prej tyre janë të lira), bufeja për fëmijë gjatë darkës në restorantin kryesor.